აჭარის მთავრობის თავმჯდომარე ლევან ვარშალომიძე 3-დღიანი ვიზიტით პოლონეთში, სილეეზიის სავოედოვოში მიემგზავრება. ვარშალომიძე და მისი კოლეგა - მარშალი, ადამ მატუსიევიჩი ორ რეგიონს შორის თანამშრომლობისა და მეგობრული ურთიერთობის განვითარების შესახებ შეთანხმბას გააფორმებენ.
აჭარასა და სილეზიას შორის ყოვლისმომცველი თანამშრომლობა იგეგმება. იგი გულისხმობს ეკონომიკის, ვაჭრობის, ტურიზმის, კულტურის, ჯანდაცვისა და სოფლის მეურნებობის სფეროებში მჭიდრო პარტნიორობას. ორი რეგიონის დამეგობრებით ქართული მხარე განსაკუთრებით პოლონელი ტურისტების აჭარაში მოზიდვას იმედოვნებს.
იმედის საფუძველს იძლევა ის ფაქტი, რომ მრავალმხრივი შეთანხმების გაფორმების ინიციატორი პოლონური მხარეა. სილეზიასა და აჭარას ტურისტული ურთიერთობის დიდი ისტორია აკავშირებთ. საბჭოთა პერიოდში პოლონელი სტუმრებიდან უმრავლესობა სწორედ აქედან ჩამოდიოდა.
ტურისტული ურთიერთობის ხელშესაწყობად იგეგმება კატოვიცე-ბათუმის პირდაპირი ავიარეისების დანიშვნა. ამ და სხვა ეკონომიკური საკითხების განსახილველად მთავრობის თავმჯდომარე პოლონელი კოლეგის გარდა, სავაჭრო-სამრეწველო პალატის, კატოვიცეს საერთაშორისო აეროპორტის საავიაციო ჯგუფისა და „ვიზეარის" ხელმძღვანელობას.
