საქართველოს ენერგეტიკისა და ბუნებრივი რესურსების მინისტრის პირველი მოადგილე მარიამ ვალიშვილი ნორვეგიის დედაქალაქ ოსლოში გამართულ მინისტერიალზე სიტყვით გამოვიდა. ვალიშვილმა ხაზი გაუსვა საქართველოს სატყეოს სექტორში განხორციელებულ რეფორმებს და ქვეყნის დაბალანსებულ სატყეო პოლიტიკას, რომელიც გულისხმობს, ერთი მხრივ, ტყეების რეაბილიტაციასა და დაცვას, ხოლო მეორე მხრივ, მისი სოციალურ-ეკონომიკური ფუნქციების გაძლიერებას და წარმატებულ ინვესტიციებს სატყეო მეურნეობაში. მან ასევე ისაუბრა ოკუპირებული ტერიტორიებზე, სადაც არსებული მდგომარეობის გამო საქართველოს ხელისუფლებას არ აქვს საშუალება, აღკვეთოს ტყის არამდგრადი გამოყენება.
მინისტრთა დეკლარაცია, რომელსაც მინისტერიალის ფარგლებში მოეწერა ხელი, გულისხმობს 2020 წლისთვის მისაღწევ შედეგების განსაზღვრასა და ტყეებზე პან-ევროპული შეთანხმების შესახებ მოლაპარაკებების დაწყებას.
ვიზიტის ფარგლებში ქართული დელეგაცა ორმხრივ შეხვედრებს გამართავს ევროპის სხვადასხვა ქვეყნის სატყეო სექტორზე პასუხისმგებელი სამინისტროების წარმომადგენლებთან სექტორში ინვესტიციების მოზიდვისა და სატრყეო მეურნეობის წარმოების წარმატებული ევროპული გამოცდილების გაზიარების მიზნით.
კონფერენცია თემაზე ,,ტყის დაცვა ევროპაში" 14 ივნისს დაიწყო და 16 ივნისს დასრულდება.