დღეს, 15 ივნისს 14:30 საათზე, თბილისში ევროპის მოედნიდან სტარტს აიღებს ტურნე სახელწოდებით "Georgia Comes To You" (საქართველო მოდის შენთან).
პროექტი ხორციელდება საქართველოს ტურიზმის ეროვნული სააგენტოს ინიციატივითა და ორგანიზებით. ღონისძიებას დაესწრებიან ეკონომიკისა და მდგრადი განვითარების მინისტრი ვერა ქობალია და ტურიზმის ეროვნული სააგენტოს თავმჯდომარემაია სიდამონიძე.
ზაფხულის ტურისტული სეზონის დაწყებასთან დაკავშირებით მიზნობრივ ბაზრებზე 5 ქვეყანაში (აზერბაიჯანი, სომხეთი, უკრაინა, პოლონეთი, ლატვია)
დაგეგმილია საქართველოს დღეები, რომლის ფარგლებში გაიმართება საქართველოს ტური ტულიპოტენციალის ამსახველი ფოტოგამოფენა, სუვენირებისა და ქართული ხელნაკეთი ნივთების გამოფენა, ქართული თანამედროვე მუსიკისა და ფოლკლორის კონცერტები, ღვინისა და სამზარეულოს დეგუსტაცია და სხვა. ღონისძიება მოძრავია და მას ტურნეს ხასიათი ექნება.
პროექტის მონაწილეები ქვეყნიდა ნქვეყანაში გადაადგილდებიან ავტობუსის საშუალებით მარშრუტით აზერბაიჯანი-სომხეთი-პოლონეთი-უკრაინა-ლატვია.
ღონისძიებები ჩატარდება ქალაქების ცენტრალურ მოედანზე ან პარკებში.
იმავდროულად, დღის განმავლობაში გაიმართება ფოტოგამოფენები, პარალელურად მოხდება ტურიზმის ეროვნული სააგენტოს მიერ სარეკლამო მასალებისა და ბროშურების გავრცელება. საღამოობით დაიწყება საკონცერტო წარმოდგენები, სადაც მონაწილეობას ქართველ შემსრულებლებთან ერთად ადგილობრივი პოპულარული ჯგუფები მიიღებენ. საკონცერტო სცენა მორთული იქნება პროექტის ლოგო ტიპებით.
პროექტში ასევე გათვალისწინებულია, შესაბამის ქვეყნებში ცნობილი ადამიანებისა და ქართული დიასპორების ჩართვა ღონისძიების პოპულარიზაციის მიზნით ადგილობრივ მოსახლეობაში.
ტურნე მიზნად ისახავს საქართველოს, როგორც ტურისტული ქვეყნის პოპულარიზაციას მიზნობრივ ბაზრებზე, ქართული კულტურის, ტრადიციებისა და ტურისტული პოტენციალის გაცნობას ფართო მასებისათვის, მიზნობრივი ბაზრებიდან ჩვენს ქვეყანაში ტურისტული ნაკადების ზრდას.
ღონისძიების ხანგრძლივობა თითო ქვეყანაში იქნება 1-2 დღე (პარასკევი-შაბათი) და იგი გაიმართება მიზნობრივი ბაზრების დედაქალაქებში.
ღონისძიების თანაორგანიზატორია "ალტერვიჟენ გრუფი".