პრემიერ-მინისტრი ნიკა გილაური ვენაში ორ მნიშვნელოვან ფორუმში მონაწილეობას დადებითად აფასებს და აცხადებს, რომ ამ ფორუმებში მონაწილეობა საქართველოსთვის მნიშვნელოვანია
"საქართველო მიწვეული იყო ორ მნიშვნელოვან ფორუმზე, დისკუსიაზე, რომლებიც ენერგოუსაფრთხოებასა და კორუფციასთან ბრძოლას ეხებოდა. კორუფციასთან ბრძოლაში საქართველო ლიდერია პოსტსაბჭოთა სივრცეში და აღიარებულია ევროპაში. დიდი ინტერესი იქნა გამოხატული სხვადასხვა ხელისუფლებისა და კერძო სექტორის წარმომადგენლობის მხრიდან რეფორმების მიმართ, რომლებიც საქართველოში გატარდა. კომპანიები, როგორიცაა სიმენსი და სხვა აღმოსავლეთ ევროპული კომპანიები ამ რეფორმებს აღიქვამენ როგორც მნიშვნელოვან ნაწილს საკუთარი კომპანიების განვითარებისთვის და იმისათვის, რომ ინვესტიციები განახორციელონ ჩვენს ქვეყანაში", - განაცხადა გილაურმა.
პრემიერ-მინისტრმა მიმოიხილა ვენაში გამართული ენერგეტიკული ფოურმი და განაცხადა, რომ საქართველო ენერგეტიკის კუთხით მნიშვნელოვან როლს ასრულებს ევროპაში.
"საქართველოს მნიშვნელოვანი როლი უკავია ევროპაში რამდენიმე ფაქტორის გათვალისწინებით, მათ შორის არის ენერგოკორიდორი, რომლის ნაწილია საქართველო. იაპონიის ტრაგედიის შემდეგ ჰიდრორესურსების მოხმარება კიდევ უფრო ატქუალური ხდება", - განაცხადა გილაურმა.
პრემიერ-მინისტრის თქმით, ყველა ქვეყანამ უკვე განაცხადა იმის შესახებ, რომ სამომავლოდ აღარ ააშენებენ ატომურ ელექტროსადგურებს და ის ქვეყნები, რომლებსაც უკვე აშენებული აქვთ ასეთი სადგურები, სამომავლოდ მის დახურვას აპირებენ.
"ამ ფონზე საქართველოს ჰიდრორესურსებს კიდვე უფრო დიდი როლი ენიჭიება", - განაცხადა გილაურმა.
შეგახსენებთ, რომ გილაური ვენას გასულ კვირას სტუმრობდა.