ბათუმის ბოტანიკურ ბაღში დღეიდან ტურისტებს ელექტრომობილებით მოძრაობა შეუძლიათ. ეკოლოგიურად სუფთა ტრანსპორტი ბოტანიკური ბაღისთვის ბათუმის მერიამ შეიძინა.
ელექტრომობილი 11 ადამიანზეა გათვლილი და ბოტანიკური ბაღის ცენტრალური გზის სამ კილომეტრს გაივლის. ექსკურსიის დროს რამდენიმე გაჩერება იქნება.
ეკოლოგიურად სუფთა ტრანსპორტით მგზავრობის საფასური 2 ლარი იქნება. ელექტრომობილი ჩინური წარმოებისაა და ბათუმის მერიის ბიუჯეტიდან მის შესაძენად 50 ათას ლარზე მეტი გამოიყო.
მასალის გამოყენების პირობები
