კომპანია "ენერგოპრო ჯორჯიამ" საქართველოს რეგიონების 14 სოფელში ინდივიდუალური გამრიცხველიანება დაასრულა.
სოფლების ელექტროგამანაწილებელი ქსელის მოწესრიგებისა და გამრიცხველიანებისათვის კომანიამ 900 600 ლარი დახარჯა და 3002 აბონენტი ინდივიდუალურად გაამრიცხველიანა.
როგორც ენერგეტიკის სამინისტრო იუწყება, ინდივიდუალური გამრიცხველიანება არ გულისხმობს აბონენტებისთვის მხოლოდ მრიცხველის მონტაჟს; ეს პროცესი მოიცავს ქსელის მასშტაბურ რეაბილიტაციას, რომლის ფარგლებშიც მთლიანად იცვლება ამორტიზირებული კაბელები ახალი იზოლირებული სადენებით, ძველი ხის ბოძები - ახალი რკინაბეტონის ბოძებით, რემონტდება სატრანსფორმატორო პუნქტები და მნიშვნელოვნად უმჯობესდება ქსელის ინფრასტრუქტურა.
ინდივიდუალური გამრიცხველიანების სამუშაოები პარალელურად მიმდინარეობს პრაქტიკულად ყველა რეგიონში. საქართველოს რეგიონებში არსებული ყველა აბონენტის ინდივიდუალური გამრიცხველიანება 2013 წლის ბოლოს დასრულდება.