საქართველოში გასული წლის ანალოგიურ პერიოდთან შედარებით წელს 44 %-ით მეტი ტურისტია შემოსული.
ამის შესახებ დღეს გამართულ პრესკონფერენციაზე ჟურნალისტებს ინფორმაცია პრეზიდენტის პრესსამსახურის უფროსმა მანანა მანჯგალაძემ მიაწოდა.
„ტურისტული სეზონი უკვე გაიხსნა და ბოლო მონაცემებით, ამ დროისთვის გასული წლის ანალოგიურ პერიოდთან შედარებით საქართველოში 44 %-ით მეტი ტურისტია შემოსული. წელს ტურისტულ რუკაზე ახალი ტურისტული ობიექტები, ცენტრები და წერტილები გაჩნდა და ვიმედოვნებთ, რომ ეს ზაფხული ამ მიმართულებით განსაკუთრებული იქნება", - განმარტა მანჯგალაძემ.
ამასთან, მან რამდენიმე ქვეყანასთან, მათ შორის ჩინეთთან პირდაპირი ავიამიმოსვლის დაწყების თაობაზეც გაახმოვანა ქვეყნის პირველი პირის პოზიცია და აღნიშნა, რომ „გარდა იმისა, რომ პირდაპირი ფრენები კარგი ეკონომიკური ნაბიჯია, მას დიდი მნიშვნელობა აქვს ტურისტული სფეროს განვითარებისთვის".
მასალის გამოყენების პირობები