პარლამენტის შენობაში შესვლა და გასვლა შეიზღუდა. აღნიშნული შეზღუდვა მას შემდეგ დაწესდა, რაც "სახალხო კრების" აქციის მონაწილეები პარლამენტის შენობის წინ განლაგდნენ.
ჯერჯერობით უცნობია, როდის მოხდება აღნიშნული შეზღუდვის მოხსნა.
ამ დროისთვის პარლამენტში დეპუტატების და აპარატის თანამშრომლები ადგილზე იმყოფებიან. პარტლამენტის თავმჯდომარემ დავით ბაქრაძემ შენობა დატოვა.
შეგახსენებთ, რომ "სახალხო კრების" ლიდერებმა გეგმები კიდევ შეცვალეს და აქცია თავისუფლების მოედნის ნაცვლად პარლამენტის შენობის წინ მართავენ.
როგორც ნონა გაფრინდაშვილმა განაცხადა, ისინი ხელისუფლებას არ მისცემენ უფლებას აღლუმისთვის მზადება განაგრძონ.
