შეთქმულება ან ამბოხება საქართველოს კონსტიტუციური წყობილების ძალადობით შესაცვლელად ისჯება თავისუფლების აღკვეთით ხუთიდან რვა წლამდე. აღნიშნულს საქართველოს სისხლის სამართლის კოდექსის ითვალისწინებს.
როგორც "ჯი-ეიჩ-ენს" იურიდიულ საკითხთა კომიტეტის თავმჯდომარის მოადგილემ კახა ანჯაფარიძემ განუცხადა, სისხლის სამართლის კოდექსის 315-ე მუხლის მეორე ნაწილის თანახმად, ამბოხება საქართველოს კონსტიტუციური წყობილების ძალადობით შესაცვლელად, სახელმწიფო ხელისუფლების დასამხობად ან ხელში ჩასაგდებად -
ისჯება თავისუფლების აღკვეთით შვიდიდან თხუთმეტ წლამდე.
ამ მუხლის მე-2 ნაწილით გათვალისწინებული ქმედება, რამაც გამოიწვია ადამიანის სიცოცხლის მოსპობა ან სხვა მძიმე შედეგი, ისჯება თავისუფლების აღკვეთით ვადით თხუთმეტიდან ოც წლამდე.
"როგორც კი კონსტიტუციური წყობილების ძალადობით შეცვლის მცდელობა დაფიქსირდება, აღნიშნული მუხლი ავტომატურად ამოქმედდება", - განმარტა ანჯაფარიძემ.
მისი თქმით, 3 წლამდე თავისუფლების აღკვეთით ისჯება ხელისუფლების დამხობისკენ მოწოდება, თუმცა იურიდიულ კომიტეტში განმარტავენ, რომ ეს ნორმა მხოლოდ იმ შემთხვევაში ამოქმედდება, როდესაც რეალური საფრთხეა და არა "პოლიტიკურად სულელური განცხადება".
