მოლდოვა დნესტრისპირეთს იბრუნებს. რუმინული მედიის ინფორმაციით, აშშ-ის პრეზიდენტმა ბარაკ ობამამ და რუსეთის პრეზიდენტმა დიმიტრი მედვედევმა მიაღწიეს შეთახმებას დნესტრისპირეთიდან რუსეთის ჯარების გაყვანის, რესპუბლიკის მოლდოვას შემადგენლობაში შესვლის და მოლდოვას ევროკავშირში გაწევრიანების პირობების შექმნის თაობაზე.
მოლდოვას პრეზიდენტის მოვალეობის შემსრულებელის მარიან ლუპუს ბუქარესტში ბოლო ვიზიტის მთავარი თემა დნესტრისპირეთის კონფლიქტის დარეგულირება იყო, წერს მოლდოვური მედია.
რუმინული გამოცემა Ziua veche იტყობინებოდა, რომ მოლაპარაკებებისას აქცენტი გაკეთდა ობამა-მედვედევს შორის არსებულ არაოფიციალური შეთანხმების გეგმაზე. ანალიტიკოსები ვარაუდობენ, რომ გეგმა ითვალისწინებს დნესტრისპირეთის დემილიტარიზაციას, მის რეინტეგრაციას მოლდოვაში და ერთიანი სახელმწიფოს დაჩქარებულ „ევროპიზაციას".
რუმინეთის პრეზიდენტთან შეხვედრის დასრულების შემდეგ მარიან ლუპუმ ამ საკითხთან დაკავშირებით საკმაოდ ოპტიმისტური კომენტარები გააკეთა.
დარეგულირების თემა განხილულ იქნა და „მოლაპარაკებების შედეგად მივედი იმ დასკვნამდე, რომ დნესტრისპირეთის პრობლემის გადაწყვეტა შესაძლებელია, რადგანაც მის საფუძველში დევს მხოლოდ რიგი იდეოლოგიური კონფლიქტებისა". - განაცხდა მოლდოვას პრეზიდენტის მოვალეობის შემსრულებელმა.
უნდა აღინიშნოს, რომ რამდენიმე დღის წინ დნესტრისპირეთის ხელმძღვანელი იგორ სმირნოვი მოსკოვში იმყოფებოდა და მოლაპარაკებები კრემლში გამართა.
მოლაპარაკებების შემდეგ სმიროვმა განაცხადა, რომ რუსეთი და რუსები, რომლებიც დნესტრისპირებში მსხვილ ბიზნესს ფლობენ მზად არიან მოლდოვას რესპუბლიკასთან შერწყმაზე ევროკავშირის ეკონომიკური პრეფერაციაბის სანაცვლოდ.
მან ასევე აღნიშნა, რომ დნესტრისპირელები აღნიშნულს არ დაეთანმხებიან. სმიროვის საპასუხოდ „კომერსანტთან" საუბარში კრემლის მაღალჩინოსამა განაცხადა, რომ „სმირონივის დრო წავიდა".
