სეპარატისტულ სამხრეთ ოსეთში ახალი პოლიტიკური ინტრიგა მწიფდება. თვით გამოცხადებულ რესპუბლიკაში უკვე ინიცირებულია და მიმდინარეობს კამპანია, რომელიც რეფერენდუმის ჩატარებას და ოს სეპარატისტთა ლიდერის ედუარდ კოკოითის ე.წ. მესამე ვადით პრეზიდენტად არჩევას გულისხმობს.
"როდესაც კერ კიდევ ახალი წლის დასაწყისში ედუარდ კოკოითმა განაცხადა, რომ არ აპირებს საპრეზიდენტო არჩევნებში მონაწილეობის მიღებას, ცხადი გახდა, რომ სამხრეთ ოსეთის ხელმძღვანელისათვის მთავარი საკითხი საქმეებისაგან ჩამოცილების ფორმატი გახდებოდა", _ აცხადებს აღნიშნული საკითხის კომენტირებისას რუსი პოლიტოლოგი სერგეი მარკედონოვი. ინფორმაციას ამის შესახებ "ეხო კავკაზა" ავრცელებს.
თუმცა, რა განცხადებებიც არ უნდა გაკეთდეს, მარკედონოვი აღნიშნავს, რომ "სამხრეთ ოსეთიში არსებობს ისეთი ფორმალობა, როგორიც არის კონსტიტუცია, რომელიც თავად კოკოითს არაერთგზის დაუმოწმებია. რესპუბლიკის ძირითადი კანონი მისი ახლანდელი რედაქციით, კრძალავს ერთი და იგივე ადამიანის ზედიზედ მესამე ვადით პრეზიდენტად არჩევას.
მას შემდეგ რაც საყოველთაო რეფერენდუმის ჩატარების მთავარმა ინიციატორმა, თავდაცვის მინისტრის მოადგილემ იბრაგიმ გასეევმა ღიად განაცხადა, რომ რეფერენდუმი უნდა ჩატარდეს, თავად კოკოითმა ამ იდეას მხარი არ დაუჭირა - "ჩემი სიტყვის ერთგული ვრჩები და მესამე ვადით კენჭისყრას არ ვაპირებ" - აცხადებს კოკოითი, თუმცა ასევე გადაჭრით არ უარყვია თავად იდეა, რომელიც კონსტიტუციას ეწინააღმდეგება. მეტიც, კოკოითმა ირიბად დაიცვა კიდეც ამ იდეის ინიციატორები და განაცხადა, რომ ეს არის ადამიანების პასუხი დესტრუქციული ძალების მოქმედებებზე", _ აცხადებს მარკედონოვი.
ამავე დროს ე.წ. გენერალი გასეევი აცხადებს: "ედუარდ კოკოითმა ჩვენი რესპუბლიკა გამარჯვებებამდე მიიყვანა. მის სახელთანაა დაკავშირებული დამოუკიდებლობის მოპოვება და ჩვენი სახელმწიფოებრიობის მშენებლობის დაწყება. "აქედან დასკვნა: სწორედ ამ პრეზიენტის მმართველობა უნდა გაგრძელდეს. როგორც ამბობენ ახალი არაფერი არ არის. მსგავსი ინიციატივები უკვე კეთდებოდა 2007 წელს რუსეთის მეორე პრეზიდენტის ვლადიმერ პუტინის მიერ, რომელისც წავიდა, მაგრამ დარჩა იმიტომ, რომ საყოველთაო საზოგადოებრივ ზეწოლას ვერ გაუძლო. რაღაც მსგავსის გაკეთებას ახლა საქართველოს პრეზიდენტი მიხეილ სააკაშვილი ცდილობს", _ აცხადებს მარკედონოვი და აღნიშნავს, რომ სულაც არ არის გამორიცხული, რომ კოკოითი სწორედ ამგვარი სცენარის განსავითარებლად ემზადება.
"კონსტიტუციის შესაბამისად იგი ქვეყნის მეთაურის თანამდებობას ტოვებს, იმისათვის რათა შემდეგ გამოიყენოს კანონში არსებული ხარვეზები და მმართველ იერარქიში ღირსეული ადგილი დაიკავოს. მით უფრო, რომ კონსტიტიუცია არ კრძალავს მთავრობის მეთაურის პოსტზე შრომით მოწყობას".
"დიალექტიკურ ამოცანა ფორმალური წარვლისას ხელისუფლების შენარჩუნებისათვის არც თუ ისე მარტივია როგორც რუსეთში ან საქართველოში. სამხრეთ ოსეთი - აუღიარებელი სახელმწიფოა, რომელიც მოსკოვის ფინანსურ დახმარებაზეა დამოკიდებული. იგი არც გაეროს წევრია, მას რომ მეტის უფლება ჰქონდეს. ამასთან ერთად 2008 წლიდან დაწყებული პრეზიდენტის ან პრემიერის თანამდებობები სამხრეთ ოსეთში უბრალო თანამდებობები როდი იყო. მათზე მიმაგრებული იყო პრინციპიალური ფუნქციონალური დატვირთვები. პრემიერი იყო მომსახურების მიმწიდებელი, პრეზიდენტი კი მისი მათი მომხმარებელი და დისტრიბუტორი. მზად არი თუ არა კოკოითი მიმწოდებლის პოზიციაზე გადასასვლელად? ჯერ ჯერობით ამ კითხვებზე პასუხი არ არსებობს და ვიდრე ამ კითხვებზე პასუხის ძებმა მოსკოვსა და ცხინვალში მიმდინარეობს, ედუარდ კოკოითი თავისი "კაპიტალიზაციის" ამაღლებას ცდილობს. ძალიან ძნელი დასაჯერებელია, რომ ინიციატივა რეფერენდუმის ჩატარების შესახებ უბრალოდ "ხალხის ნება" იყო. ნებისმიერ შემთხვევაში აჩევნებამდე ნახევარი წლით ადრე სამხრეთ ოსეთის პრეზიდენტმა უნდა ნახოს ფორმა ხელისუფლებაში დარჩენისა იქიდან წასვლის შემთხვევაშიც კი.", _ აცხადებს მარკედონოვი და აღნიშნავს, რომ მოსკოვისათვის სამხრეთოსური თავსატეხი მნიშვნელოვანია. "აქვს რა არც თუ ისე იოლი ურთიერთობები დასავლეთთან მოსკოვმა მას უნდა აჩვენოს, რომ ტერიტორიაზე რომელსაც იგი პატრონობს დემოკრატიის რაგაც ელემენტები მაინც არის. ამ თვალსაზრისით "კოკოითის მესამე ვადა" მოსკოვისათვის მაინცდამაინც ხელსაყრელი არ უნდა იყოს. ხოლო რაც შეეხება უბრალოდ სავარძლის გამოცვლას - ამას როგორც ჩანს, პოსტსაბჭოთა სივრცეში ამას ყველა თანდათან ეჩვევა", _ აცხადებს სერგეი მარკედონოვი.
