ავტორიტეტული უფლებადამცავი ორგანიზაცია, "ამნესტი ინტერნეიშენალი"
საქართველოს ხელისუფლებას ჰააგის სასამართლოს მიერ სანდრო გირგვლიანის მკვლელობის საქმეზე გამოტანილი განაჩენის საფუძველზე საქმის ხელახალ გამოძიებისკენ მოუწოდებს.
"საქართველოს მთავრობამ დაყოვნების გარეშე უნდა განახორციელოს ადამიანის უფლებების ევროპული სასამართლოს გადაწყვეტილება. სანდრო გირგვლიანის მკვლელობა, ბოლოს და ბოლოს, სრულყოფილად და მიუკერძოებლად უნდა გამოიძიონ," - აცხადებს "ამნესტი ინტერნეიშენალის" ევროპისა და შუა აზიის პროგრამის დირექტორის მოადგილე ჯონ დალჰუიზენი.
ამასთან, მისივე განმარტებით, აღნიშნული განაჩენი საქართველოს ხელისუფლებისთვის "დროული შეხსენებაა მათი ვალდებულებისა, რომ შეწყდეს ოფიციალური პირების დაუსჯელობა.
"ამნესტი ინტერნეიშენალს" რამდენჯერმე აქვს გამოთქმული შეშფოთება იმის თაობაზე, რომ საქართველომ ვერ შესძლო მართლმსაჯულების წინაშე წარედგინა ძალოვანი სტრუქტურების წარმომადგენლები" - განმარტავს ის.
შეგახსენებთ, რომ სტრასბურგის სასამართლოს აზრით, გირგვლიანის მკვლელობის საქმის ობიექტური გამოძიება არ მომხდარა, რისთვისაც საერთაშორისო მართლმსაჯულებამ საქართველოს მთავრობას მსხვეპლის ოჯახისთვის 50,000 ევროს გადახდა დააკისრა.
