22 და 23 აპრილს საქართველოს, ოფიციალური ვიზიტით საფრანგეთის ეკოლოგიის, მდგრადი განვითარების, ტრანსპორტისა და ბინათმოწყობის მინისტრის მოადგილე ტრანსპორტის დარგში ტიერი მარიანი ჩამოვა. ტიერი მარიანი საქართველოს ეკონომიკისა და მდგრადი განვითარების მინისტრ ვერა ქობალიას მოწვევით ესტუმრება.
მარიანი საქართველოს პრეზიდენტ მიხეილ სააკაშვილთან ერთად მონაწილეობას მიიღებს ფოთის აეროპორტში ფრანგული კომპანია «Thales»-ის მიერ დამონტაჟებული სამოქალაქო რადარის გახსნაში.
ცერემონიას, ასევე, საფრანგეთის ელჩი საქართველოში ერიკ ფურნიე დაესწრება.
ამასთან, საქართველოს მთავრობის წარმომადგენლებთან ერთად ტიერი მარიანი სამოქალაქო ავიაციის სფეროში თანამშრომლობის ხელშეკრულებას ხელს მოაწერს.
