ბიზნესომბუდსმენი გიორგი პერტაია ესტონური კომპანია Port Artur Grupp-ის მფლობელის, ვილიო ვეტეკის განცხადებას ეხმაურება, რომელიც აცხადებს, რომ საქართველოს მთავრობასთან გარიგებას ვერ ახერხებს და ბიზნეს ვერ ანხორციელებს.
გიორგი პერტაია ამბობს, რომ ის ესტონური კომპანიის ბედით დაინტერესდა თუმცა საბოლოდ აღმოჩნდა, რომ Port Artur Grupp-ს ეკონომიკისა და მდგრადი განვითარების სამინისტროში პროექტის განხორციელების შესახებ გაწერილი ბიზნეს გეგმა ამ დრომდე არ წარუდგენია.
"ამ კომპანიის წარმომადგენლები ჩემთან იანვრის თვეში იმყოფებოდნენ და დახმარება მთხოვეს. მათ მითხრეს, რომ ნაყიდი აქვთ ტერიტორია, თუმცა მის მიმდებარედ ინფრასტქრურქტურა არ კეთდება, ანუ საუბარია დენსა და სხვა შესაბამის ინფრასტრუტურაზე, რომელიც მათი თქმით, მთავრობას არ გაყავს. მოვიძიე მასალა და დავუკავშირდი იმ სტრუქტურებს, რომელიც ამ პროექტში არიან ჩართულები. მინდა გითხრათ, რომ შესაბამის ხელშეკრულებაში გაწერილი არ არის მთავრობის ვალდებულების შესახებ. ეს იყო ზეპირი შეთანხმება, რომ თუ ინვესტორი პროექტს დადებდა, მაშინ მთავრობა მას შესაბამის ინფრასტრუქტურასაც გაუყვანდა. ეკონომიკის სამინისტროსა და რუსთავის მერიის პოზიცია გავარკვიე, სადაც აცხადებენ, რომ თუ ინვესტორი დროში გაწერილ გეგმას წარმოადგენს, მაშინ მთავრობა მას ინფრასტრუტურას გაუყვანს. ზოგადად ასეთი სახის ინფრაქსტრუტურის გაყვანა დიდ ხარჯებთანაა დაკავშირებული. საქართველოს მთავრობამ ეს ხარჯი, რომ გასწიოს და შემდგომ ინვესტორმა არაფერი გაკეთოს, მაშინ მთავრობის მხრიდან ზედმეტი ხარჯი იქნება", - განუცხადა "ჯი-ეიჩ-ენს" ბიზნესომბუდსმენმა.
გიორგი პერტია ამბობს, რომ ეკონომიკისა და მდგრადი განვითარების სამინისტრო, ნოემბრის თვიდან Port Artur Grupp-ს გეგმის წარდგენას სთხოვს, თუმცა ამაოდ.
"მე მათ დაველაპარაკე და ვუთხარი, რომ რაღაც პროექტი ხომ გაქვთ, მომიტანეთ ეს პროექტი, რათა შეძლებისდაგვარად დავხმარებოდი. თუმცა მათ არანაირი პროექტი არ მოუტანიათ. პირადად მე სამჯერ დავურეკე მათ. გამოდის, რომ თუ Port Artur Grupp-ს ქაღალდზე დაწერილი პროექტიც ვერ მოაქვს, ის არაფრის გაკეთებას არ აპირებს. იგივე პოზიცია აქვს ეკონომიკის სამინისტროსაც.
შეუძლებელია ფულის ჩადებას აპირებდე და გეგმა არ გქონდეს. ელემენტარულად ნოემბრის შემდგომ მათ ახალი გეგმის დაწერაც კი შეეძლოთ", - აცხადებს "ჯი-ეიჩ-ენთან" საუბარში გიორგი პერტაია.
შეგახსენებთ, რომ ესტონური გამოცემა dzd.ee-ში გავრცელდა ინფორმაცია, რომლის თანახმადაც, ესტონელი ბიზნესმენების იმედები, რომლებიც საქართველოში იმ გათლვებით ჩავიდნენ, რომ მათი იქ მათ კარგი პოლიტიკური ურთიერთობები ელოდათ - სრულად არ გამართლდა.
"სახელმწიფოს მხრიდან საქართველოს ექცევიან, როგორც პროექტს და ეს პროექტი მთავრდება", - აღნიშნა კომპანია Port Artur Grupp-ის ერთ-ერთმა მფლობელმა ვილიო ვეტეკმა.
ესტონური გამოცემის მტკიცებით, მისმა კომპანიამ 2006 წელს რუსთავთან ახლოს 60 ჰა. მიწა შეიძინა, სადაც სამრეწველო ზონა უნდა განთავსებულიყო. თუმცა პროექტი შეფერხდა.
ასევე გაჩერებულია ბიზნესმენ ურმას გრაუენის მიერ შეძენილი სასტუმრო "ბაკურიანი", ხოლო ესტონეთის უმსხვილესმა ბიზნესმენმა ტომას ტოლმა მიდინარე ეტაპზე საქართველოში ბიზნესის კეთება გადაიფიქრა.
