უახლოეს დღეებში აზერბაიჯანსა და სომხეთს ეუთოს მინსკის ჯგუფის თანათავმჯდომარეები ეწვევიან. ამის შესახებ აზერბაიჯანის საგარეო საქმეთა მინისტრმა არაზ აზიმოვმა განაცხადა.
"აუცილებელია იმის გაგება, რომ ახალი წინადადებების მომზადება, თავის მხრივ, გარკვეული პროგრესია ამ კონფლიქტის მოგვარების საკითხში", - განაცხადა აზიმოვმა.
მისი თქმით, მოლაპარაკებების ყოველთვიური გამართვა არის ერთგვარი პროგრესის მაჩვენებელი აზერბაიჯანისა და სომხეთის ურთიერთობების დარეგულირებაში და მთიანია ყარაბაღის კონფლიქტის გადაწყვეტაში.
"ორი ქვეყნის პრეზიდენტების მოლაპარაკებების დინამიკა აჩვენებს, რომ გარკვეული პროგრესი არსებობს", - აღნიშნა მინისტრის მოადგილემ.
მისივე თქმით, სომხურმა მხარემ უნდა იცოდეს, რომ აზერბაიჯანი ელოდება ეფექტურ განხილვებს და ამ შეხვედრებით დროის გაყვანის ტაქტიკის გამოყენების წინააღმდეგ გამოდის.
