ევროს ღირებულება დოლართან მიმართებაში ეცემა, აღნიშნულის მიზეზად კი ევროზონის ქვეყნების მიერ სახელმწიფო ვალების შესაძლო რესტრუქტურიზაცია სახელდება. დღეს 1 ევროს კურსმა 1,4391 დოლარი შეადგინა.
გამოცემა Die Welt წერს, რომ გერმანიის ფინანსთა მინისტრის ვოლფგან შოიბლეს განცხადებით, საბერძნეთს მოუწევს კრედიტორებთან მოლაპარაკებების დაწყება, რესტრუქტურიზაციის პირობებზე იმ შემთხვევაში, თუ ივნისის შემოწმების მიხედვით შეიქმნება გარკვეული ეჭვები, რომ ქვეყანას შეუძლია გაისტუმროს ვალები.
"შოიბლეს განცხადება გახდა გარდამტეხი ფაქტორი და ამჟამად მიიჩნევს, რომ გამორიცხული არ არის რესტრუქტურიზაციის ამა თუ იმ ფორმით განხორციელება. კვლავ გააქტიურდა ყურადღება პერიფერიული ქვეყნების მიმართ, რაც ევროს კურსის დაცემას იწვევს", - განაცხადა FXPro Financial Services სავალუტო სტრატეგიის განყოფილების ხელმძღვანელმა მაიკლ დერკსმა.
უნდა აღინიშნოს, რომ ევროზონის პერიფერიული ქვეყნების ობლიგაციები უფასურდება, ხოლო პორტუგალიისა და საბერძნეთის სახელმწიფო ფასიანი ქაღალდების შემოსავლიანობამ სარეკორდო მაჩვენებელს მიაღწია, რომელთა ობლიგაციების წლიური საპროცენტო განაკვეთი, შესაბამისად 10,42 %-ითა და 13 %-ით გაიზარდა.
