2011 წლის მარტში უძრავი ქონების ბაზარზე სარეგისტრაციო ტრანზაქციათა რაოდენობა გაიზარდა და ქვეყნის მასშტაბით 55 970 ერთეული შეადგინა. საჯრო რეესტრის ეროვნული სააგენტოს ინფორმაციით, 2011 წლის მარტი, 2007-2010 წლების იმავე თვესთან შედარებით, აშკარა და მასშტაბური ზრდით გამოირჩევა: 2007 წლის მარტთან (31 433 ერთეული სარეგისტრაციო ტრანზაქცია) შედარებით - 78.1%-ით, 2008 წლის მარტთან (28 586 ერთეული სარეგისტრაციო ტრანზაქცია) შედარებით - 95.8%-ით, 2009 წლის მარტთან (26 273 ერთეული სარეგისტრაციო ტრანზაქცია) შედარებით - 113.0%-ით და 2010 წლის მარტთან (35 681 ერთეული სარეგისტრაციო ტრანზაქცია) შედარებით - 56.9%-ით.

2011 წლის მარტში, წინა თვესთან შედარებით, სარეგისტრაციო ტრანზაქციების რაოდენობის მნიშვნელოვანი ზრდა (55.6%-ით) დაფიქსირდა.

2011 წლის მარტში სარეგისტრაციო ტრანზაქციების თვის ინდექსიც (დეკემბერი 2007=100) გაიზარდა და 1.805 დონეზე დაფიქსირდა, რაც წინა წლის იმავე თვის ინდექსს (1.150) მნიშვნელოვნად აღემატება.

საჯარო რეესტრის ეროვნულ სააგენტოში აცხადებენ, რომ უძრავი ქონების პირველადი და მეორადი ბაზრები წინა თვესთან (შესაბამისად 15%-ით და 64.1%-ით) შედარებით გაიზარდა.
სააგენტოში განმარტავენ, რომ პირველადი ბაზარი 1.7%-ით შემცირდა, ხოლო მეორადი ბაზარი 71.9%-ით გაიზარდა. ამასთან, 2011 წლის მარტში პირველადი სარეგისტრაციო ტრანზაქციების რაოდენობამ - 7 174, ხოლო მეორადი სარეგისტრაციო ტრანზაქციების რაოდენობამ - 48 796 ერთეული შეადგინა; სარეგისტრაციო ტრანზაქციების თვის ინდექსი (დეკემბერი 2007=100) კი პირველადი და მეორადი სარეგისტრაციო ტრანზაქციების მიხედვით შესაბამისად 0.771 და 2.247 დონეებზე დაფიქსირდა.

რაც შეეხება პირველად და მეორად სარეგისტრაციო ტრანზაქციებს შორის თანაფარდობას, მეორადი სარეგისტრაციო ტრანზაქციების წილი მნიშვნელოვნად გაიზარდა.