შვედეთისთვის გადაცემასთან დაკავშირებით ჯულიან ასანჯის სააპელაციო სარჩელს 12-13 ივლისს განიხილავენ.
ლონდონის უმაღლესი სასამართლოს გადაწყვეტილების საპასუხოდ, რაც შვედეთისთვის ვიკილიქსის დამფუძნებლის ჯულიან ასანჯის გადაცემას ითვალისწინებს, ასანჯის მიერ შეტანილ სააპელაციო სარჩელს ორდღიანი მოსმენით განიხილავენ. სასამართლო სხდომა 12 ივლისს დაიწყება.
ცნობისთვის, 3 მარტს ვიკილიქსის დამფუძნებელმა ჯულიან ასანჯიმ შვედეთში ექსტრადიციის გამო სააპელაციო სარჩელი შეიტანა.
შეგახსენებთ, შვედეთი ასანჯის გაუპატიურებასა და სექსუალურ ძალადობაში ადანაშაულებს. თუმცა სკანდალური საიტის დამაარსებელი ბრალდებებს უარყოფს.
