უკრაინა ჯერჯერობით არ აპირებს საბაჟო კავშირში შესვლას, რომლის წევრებიც რუსეთი, ბელორუსი და ყაზახეთი არიან. თუმცა ქვეყანას განზრახული აქვს მიმდინარე წლის ბოლომდე ევროკავშირთან ხელი მოაწეროს ხელშეკრულებას თავისუფალი ვაჭრობის ზონის შექმნის შესახებ. შესაბამისი განცხადება უკრაინის რადაში პრეზიდენტმა ვიქტორ იანუკოვიჩმა ყოველწლიური მოხსენებით გამოსვლისას გაკეთა.
„მიმაჩნია, რომ საბაჟო კავშირთან შემდგომი ურთიერთობების განვითარება ახალ სახელშეკრულებო ბაზას დაეყრდნობა - შეთანხმებას თავისუფალი ვაჭრობის შესახებ და თანამშრომლობას ფორუმილით „3+1", - განაცხადა იანუკოვიჩმა და დასძინა, რომ ეს შესაძლებელს გახდის უზრუნველყოფილი იყოს რეალური კურსი ევროპული და ევრო-აზიული ეკონომიკური სივრცის დასაახლოებლად.
იანუკოვიჩმა აღნიშნა, რომ უკრაინა მზადაა წავიდეს კომპრომისზე ევროკავშირთან თავისუფალი ვაჭრობის ზონის ხელშეკრულების რაც შეიძლება სწრაფად ხელმოწერისთვის.
