ავიაკომპანია Japan Airlines Corp (JAL) თანამშრომლებს მაის-ივნისში უხელფასო შვებულებაში უშვებს. აღნიშნულს კი კომპანიაში 11 მარტს მიწისძვრისა და ცუნამის შემდეგ საჰაერო ტვირთების გადაზიდვაზე მოთხოვნის არ არსებობით ხსნიან.
Japan Airlines Corp (JAL) იმედოვნებს, რომ ამ ორი თვის განმავლობაში შვებულებაში დაახლოებით 100 თანამშრომელი წავა. კომპანიაში სულ სულ 12 ათასი ადამიანია დასაქმებული.
Japan Airlines Corp (JAL)-ის განცხადებით, სტიქიური უბედურების შემდგომ, 12-დან 31 მარტის ჩათვლით საერთაშორისო ფრენებზე მგზავრთა ნაკადი 25 %-ით შემცირდა, ხოლო ქვეყნის შიგნით 28 %-ით.
დანაკარგების შემცირების მიზნით, იაპონურმა ავიაკომპანიამ აპრილში 74 საერთაშორისო ავიარეისი გააუქმა. მათი უმეტესობა აზიის მიმართულებით სრულდებოდა. ასევე გაუქმდა ისეთი პოპულარული მიმართულებებით ფრენა როგორიცაა ტოკიო-გონალულუსი და ტოკიო-სეული.
აღსანიშნავია, რომ ბოლო ორი წლის განმავლობაში Japan Airlines Corp (JAL) მძიმე ფინანსურ კრიზისში იმყოფება. ერთი წლის უკან, საჰაერო გადამზიდავმა 2012 წლამდე პერსონალის 40 %-ით შემცირებაზე ოფიციალურად განაცხადა
