ბრიტანული ავიაკომპანია Virgin Atlantic Airways-ი პარტნიორს ეძებს, ამის შესახებ განცხადება კომპანიის მფლობელმა, რიჩარდ ბრენსონმა გაკეთა.
მისი თქმით, Virgin Atlantic Airways-ისთვის პარტნიორის მოძება მეტად მნიშვნელოვანი საქმეა.
"რა გადაწყვეტილებაც არ უნდა იქნეს მიღებული, კომპანიის მსხვილ აქციონერად მაინც დავრჩები. ამ დროისთვის მოლაპარაკებას რამდენიმე სუბიექტთან ვაწარმოებთ და ვნახოთ, რა გამოვა", - განაცხადა ბრენსონმა.
აღსანიშნავია, რომ Virgin Atlantic Airways--ის აქციათა 51 % რიჩარდ ბრენსონის საკუთრებაა, ხოლო კომპანიის 49 %-ს სინგაპურული კომპანია Singapore Airlines ფლობს.
ანალიტიკოსები ფიქრობენ, რომ Virgin Atlantic Airways-ი თავის გადასარჩენად სხვა კონკურენტთან უნდა გაერთიანდეს, ან რომელიმე კომპანიასთან ალიანსში შევიდეს.
შეგახსენებთ, რომ Virgin Atlantic Airways ძირითადად გრძელმაგისრალურ რეისებს ასრულებს დიდ ბრიტანეთსა და აშშ-ს შორის. კომპანია ასევე ასრულებს რეისებს აფრიკის, ახლო აღმოსავლეთის, აზიისა და ავსტრალიის მიმართულებით.