მთავრობას შავი და ფერადი ლითონების ჯართის ექსპორტზე ახალი რეგულაცია შემოაქვს. "საგადასახადო კოდექსში" შესატან ცვლილებაზე, რომლის წარმომდგენიც ფინანსთა სამინისტროა, საკანონმდებლო ორგანოში მჯელობა უკვე დაიწყეს.
"საგადასახადო კოდექსში" შესატანი ცვლილების თანახმად, შავი და ფერადი ლითონების ექსპორტზე მომსახურეობის ტარიფი ამოქმდდება. კანონპროექტის თანახმად, ჯართის ექსპორტზე კანონით დადგენილი ტონაზე 120-ლარიანი გადასახადი უქმდება და ჯართის ექსპორტზე შემოდის აქციზი, რომლის ოდენობასაც მთავრობა დაადგენს.
ფინანსთა მინისტრის ნმოადგილის, რუსუდან კემლუარიას განცხადებით, აღნიშნული ტარიფის ოდენობასაც და გადახდის წესსაც შემდგომ მთავრობა დაადგენს. კემულარიას განმარტებით, ასეთი ქმედებით კი მთავრობას მიეცემა შესაძლებლობა იმოქმედოს დარგის საჭიროებიდან გამომდინარე.
პარლამენტის საფინანსო-საბიუჯეტო კომიტეტის თავმჯდომარე, ზურაბ მელიქიშვილი ამბობს, რომ მთავრობა ქვეყანაში მეტალურგიის განვითარებაზე მუშაობს და ხელისუფლებას ამისათვის მობილური ქმედების განხორციელება უნდა შეეძლოს.
"წლების განმავლობაში ქვეყნიდან ძირითადად ჯართის ექსპორტი ხორციელდებოდა. წელს კი ჯართი მთლიან საექსპორტი ჩამონათვალში მე-3-4 ადგილზეა. საექსპორტო ათეულში უკვე მოხვდა ალმატურამ რაც ჯართის გადამუშავების შემდეგ მიიღება. ქვეყანაში 4-მდე ალმატურის მწარმოებელი საწარმო ფუქნციონირებს, რაც იმის მანიშნებელია რომ მეტალურგია ვითარდება, ახალი საწარმოები იხსნება და სამუშაო ადგილები იქმნება", - აცხადებს ზურაბ მელიქიშვილი.