ნავთობპროდუქტების იმპორტიორთა კავშირის განცხადებით, ნავთობის ფასი კვლავინდებურად იზრდება.
მსოფლიოს წამყვან ლონდონისა და ნიუ-იორკის სანავთობო ბირჟებზე ნავთობის ფასმა შეადგინა: ლონდონში InterContinental Exchange Futures Europe-ზე (IСE Futures Europe) - Brent ტიპის ნავთობის ფასი - 121.06 დოლარი/ბარელზე; ნიუ-იორკში New York Mercantile Exchange-ზე (NYMEX) - Light Sweet ტიპის ნავთობის ფასი - 108.47 დოლარი ბარელზე
"აღნიშნული ფასი 2008 წლის აგვისტოს თვის შემდეგ ყველაზე მაღალი მაჩვენებელია. ნავთობის ფასის ზრდა პირდაპირ კავშირშია ლიბიაში შექმნილ კრიზისულ ვითარებასთან.
რაც შეეხება საერთაშორისო ფასებს Platt's-ის მიხედვით, რომლითაც ხორციელდება საქართველოში საწვავის იმპორტი, მნიშვნელოვნადაა გაზრდილი ბენზინისა და დიზელის საწვავის საერთაშორისო ფასები. ფასების ზრდა განსაკუთრებით გამოიკვეთა მარტის ბოლო რიცხვებსა და მიმდინარე თვეში. კერძოდ, დღეისათვის შეადგენს: ბენზინზე - 1046.75 დოლარს/ტონაზე, დიზელის საწვავზე - 991.50 დოლარს/ტონაზე", - ნათქვამია ნავთობპროდუქტების იმპორტიორთა კავშირის მიერ გავრცელებულ განცხადებაში.
