დღეს, 7 აპრილს, უნივერსალური დაგროვებითი ბარათი „უნიქარდი" ერთი წლის ხდება. იგი ქართულ ბაზარზე 2010 წლის 7 აპრილს შემოვიდა. "უნიქარდი" წარმოადგენს "Universal Card Corporation"-ის ბრენდს. ამ კომპანიის დამფუძნებლები ინგლისური საინვესტიციო ფონდი და საქართველოს მოქალაქეები არიან.
"უნიქარდი" უნივერსალური ლოიალობის პროგრამაა, რომელიც ინოვაციური პროდუქტია საქართველოში. უნიკალური დაგროვებითი ბარათი საკმაოდ დიდი პოპულარობით სარგებლობს გამოსვლის დღიდან. ერთი წლის განმავლობაში მან შეიძინა 600 000-ზე მეტი მომხმარებელი. დღემდე 400 000-მდე ადამიანმა მიიღო უნიქარდის კატალოგში არსებული ნივთი/მომსახურება.
თბილისის გარდა, "უნიქარდის" პოპულარობამ, განაპირობა მისი შესვლა ბათუმში, ხოლო შემდგომში ქუთაისსა და რუსთავში. წლის ბოლომდე კომპანია გეგმავს შესვლას კიდევ რამდენიმე ქალაქში.
"უნიქარდი" აერთიანებს 200-მდე კომპანიის 1000-მდე ობიექტს. მომხმარებელს საშუალება აქვს ქულები დააგროვოს სავაჭრო სფეროს ყველა სექტორში. მათ მრავალფეროვანი არჩევანი აქვთ უნიქარდის კატალოგში, რომელიც მომხმარებლის ქცევასა და მოთხოვნილებებზე დაკვირვების შედეგად იქმნება. კატალოგში შესულია 1500-მდე ნივთი/მომსახურება.
2011 წლის 7 აპრილს "უნიქარდი" დაბადების დღეს "სახელმწიფო ზრუნვის სააგენტოს" დაქვემდებარებაში მყოფ ოთხ ბავშვთა სახლთან ("ბავშვთა კრიზისული ცენტრი", "სათნოება", "მომავლის სახლი", "თბილისის ბავშვთა სახლი") ერთად აღნიშნავს.
160 ბავშვი დღის განმავლობაში მთაწმინდის პარკში გაერთობა სხვადასხვა ატრაქციონზე. მათ ელოდებათ საინტერესო საჩუქრები.
დღის ბოლოს, საზეიმოდ გაიჭრება უნიქარდის დიდი ტორტი.
