საქართველოს მთავრობას, ჯანდაცვის მსოფლიო ორგანიზაციასა (WHO) და შრომის საერთაშორისო ორგანიზაციაში (ILO) წინა წლებში წარმოქმნილ დავალიანება აქვს დასაფარი. აღნიშნული ვალის დასაფარად 221 ათას 960 დოლარისა და 122 ათას 876 შვეიცარიული ფრანკის ექვივალენტი ლარი მთავრობის სარეზერვო ფონდიდან გამოიყოფა.
შეგახსენებთ, რომ ჯანმრთელობის მსოფლიო ორგანიზაცია (WHO) წარმოადგენს ჯანდაცვის საკითხებზე მომუშავე გაეროს სპეციალიზებულ სააგენტოს. საქართველო ჯანმრთელობის მსოფლიო ორგანიზაციის წევრი1992 წლის 16 მაისს გახდა. შრომის საერთაშორისო ორგანიზაცია (ILO) - 1919 წელს ვერსალის შეთანხმების შესაბამისად შეიქმნა და საქართველო ILO-ს წევრი 1996 წელს გახდა.
