განათლების და მეცნიერების მინისტრ დიმიტრი შაშკინის შეფასებით, რატომ არ შეიძლება იყოს მანდატური 25 წლის, მაშინ როცა ეს სადეპუტატო ასაკია. ამის შესახებ შაშკინმა პარლამენტში სამთავრობო დებატების დროს დეპუტატ ჯონდი ბაღათურიას საპასუხოდ განაცხადა.
"მინდა შეგახსენოთ, რომ 25 წელი არის დეპუტატის ასაკი, რომლის ხელშიც ქვეყანაა. ცუკენბერგი 26 წლის იყო, როდესაც "ფეისბუქი" შექმნა, ხოლო ნაპოლეონი 25 წლის", - მიმართა მინისტრმა ოპოზიციონერ დეპუტატს.
შაშკინმა დეპუტატებს მოუწოდა მანდატურებს შეურაცხყოფას ნუ მიაყენებენ.
შეგახსენებთ, რომ დებატებზე ჯონდი ბაღათურიამ "გაუნათლებელი მანდატურის" სკოლის დირექტორად დანიშვნა და მათი სასწავლო პროცესში უხეში ჩარევა გააპროტესტა.
