რუსეთის წარმომადგენელი ნატოში დიმიტრი როგოზინი აცხადებს, რომ ნატოს წევრი სახელმწიფოების მოქმედებები, რომლებიც ლიბიის ლიდერის, მუამარ კადაფის წინააღმდეგ არის მიმართული, გაეროს უშიშროების საბჭოს მიერ მიღებული რეზოლუციის ფარგლებს სცდება. ინფორმაციას ამის შესახებ რუსული მედია ავრცელებს.
"მიმაჩნია, რომ საჰაერო დარტყმების მიყენება მიზნებისთვის, რომლებსაც ავიაციასთან არავითარი საერთო არა აქვთ, მათ შორის საერსაწინააღმდეგო თავდაცვითი სისტემებზე, აეროდრომებზე, საჰაერო მიზნებზე, დასახული მიზნების ფარგლებს სცდება და გაეროს უშიშროების საბჭოს მიერ ლიბიის მიმართ მიღებულ რეზოლუციას ეწინააღმდეგება", _ აცხადებს როგოზინი.
მისი თქმით, ახლა ალიანსში ინფორმაციის გაცემის თვალსაზრისით, ლიბიაში მიმდინარე საბრძოლო ოპერაციასთან დაკავშირებით, მომატებული კონფიდენციალურობის რეჟიმი მოქმედებს.
"ამას იმით ვხსნი, რომ მოკავშირეთა შორის არ არის ერთსულოვნება იმ საკითხთან მიმართებაში, თუ როგორ უნდა შესრულდeს გაეროს უშიშროების საბჭოს მიერ მიღებული რეზოლუცია", _ აცხადებს როგოზინი.
