რუსეთის ფედერაციის მუდმივი წარმომადგენელი ნატოში დიმიტრი როგოზინი აცხადებს, რომ რუსეთს ხელს არ აძლევს საქართველოსა და ნატოს სრულფორმატიანი ურთიერთობა. ეს განცხადება როგოზინმა დღეს ტელეხიდ "მოსკოვი-ბრიუსელის" მსვლელობისას გააკეთა.
"ჩვენ ვეუბნებით ნატოს დელეგაციებს იმის შესახებ, რომ ჩვენთვის ხელსაყრელი არაა საქართველოთან მათი სრულმასშტაბიანი თანამშრომლობა. სწორედ დღეს იმართება ბრიუსელში საქართველო-ნატოს და უკრაინა-ნატოს კომისიების სხდომები. ხვალ ნატო უკვე ავღანეთში არსებული სიტუაციის განხილვას დაიწყებს, ხოლო ამის შემდეგ, გაიმართება რუსეთ-ნატოს საბჭოს სხდომა საგარეო საქმეთა მინისტრების დონეზე. ასე რომ, საქართველოს საკითხი რუსეთ-ნატოს ურთიერთობების დღის წესრიგიდან მოხსნილი არ არის", _ განაცხადა როგოზინმა.
"ჩვენ დიფერენცირებულად უნდა წარვმართოთ ჩვენი პოლიტიკა. ერთი მხრიდან, ჩვენ და ნატო ვთანამშრომლობთ ავღანეთის საკითხზე, მეორე მხრივ კი მწვავედ ვუდგებით წინ საქართველოს მილიტარიზაციის ნებისმიერ პოლიტიკას და სააკაშვილის რეჟიმის პოპულიზმს", _ აცხადებს როგოზინი.
