რუსეთის ხელისუფლება შეშფოთებას გამოთქვამს საქართველოს მიერ თავისი სამხედრო პოტენციალის აღდგენის გამო. ასეთი განცხადება გაკეთა დღეს რუსეთის წარმომადგებელმა ნატოში დიმიტრი როგოზინმა.
მისი თქმით, საქართველოს პრეზიდენტმა მიხეილ სააკაშვილმა აღადგინა თავისი ქვეყნის სამხედრო პოტენციალი და ამასთან ერთად მას გვერდზე არ გადაუდია თავისი გეგმები, რომლებიც აფხაზეთისა და სამხრეთ ოსეთის ძალისმიერი მეთოდით დაბრუნებას ეხება.
"ჩვენი ანალიზით, ის რაც დღეს საქართველოში ხდება, მეტყველებს იმაზე, რომ ფაქტობრივად, საქართველო ხელახლა შეიარაღდა, სააკაშვილმა აღადგინა თავისი ქვეყნის სამხედრო პოტენციალი და მას არც აფხაზეთისა და სამხრეთ ოსეთის ძალისმიერთი მეთოდით დაბრუნებაზე უთქვამს უარი", _ განაცხადა როგოზინმა და დასძინა, რომ ეს რეალური პრობლემაა და რუსეთმა იცის მისი არსებობის შესახებ.
"ამით შეშფოთებილია ჩვენი ქვეყნის პოლიტიკური ხელმძღვანელობა და ჩვენი თავდაცვის სამინისტრო", _ აცხადებს როგოზინი.
