დღეს, 12 მარტს, 11:00 საათზე, სოციალური პასუხისმგებლობის აქციის - "ნათელი ფერები ბავშვებს" - ფარგლებში, "ბილაინი" გლდანის ბავშვთა სახლის აღსაზრდელებს, ახლად გახსნილ ბავშვთა გასართობ ცენტრში მიიპატიჟებს. ბავშვთა გასართობი ცენტრი "პეტი" ბავშვთა სახლის 30 აღსაზრდელს განსაკუთრებული პროგრამით და სადღესასწაულო ტორტით გაუმასპინძლდება.
"სოციალური პასუხისმგებლობის აქცია ნათელი ფერები ბავშვებს, უკვე რამდენიმე თვეა ხორციელდება როგორც თბილისში, ისე სხვადასხვა რეგიონში. გადავწყვიტეთ, რომ გასართობ ცენტრში მოგვეწვია გლდანის ბავშვთა სახლის აღსაზრდელები. ეს ის ბავშვთა სახლია, რომლის კეთილმოწყობისთვის, ბილაინს აუქციონიდან საგანგებოდ გამოიყო თანხა. ჩვენი მიზანია, რომ ჩვენ მიერ წამოწყებული საქმე, რაც ამ შემთხვევაში ბავშვთა სახლებზე ზრუნვას გულისხმობს, ბოლომდე მივიყვანოთ და ერთჯერადი აქტივობებით არ შემოვიფარგლოთ", - განაცხადა "ბილაინის" საზოგადოებასთან ურთიერთობის მენეჯერმა თეონა ბაღდავაძემ.
