საარსებო მინიმუმთან დაკავშირებით ჯაბა სამუშიას მიერ გაკეთებულ განცხადებას თბილისის საკრებულოს უმრავლესობის წარმომადგენელი გამოეხმაურა. როგორც ლაშა იმედაშვილმა განაცხადა, ყველაზე მნიშვნელოვანია, თუ სად შეიძენ პროდუქტს, რადგან ბაზრებსა და სუპერმარკეტებში მათი ფასი ერთმანეთისგან ძალიან განსხვავდება. იმედაშვილმა აღნიშნა,რომ სასურსათო კალათა 40 დასახელების პროდუქტისგან შედგება.
"სტატისტიკის დეპარტამენტის ინფორმაციით, იანვრის მონაცემებით, საარსებო მინიმუმი 152 ლარს შეადგენს. რა თქმა უნდა, ეს თანხა ცოტაა, რაც ყველას ესმის. თუმცა არსებობს გრძელ და მოკლევადიანი გეგმები, რომელებიც სხვადასხვა დახმარებით გამოიხატება", _ აცხადებს იმედაშვილი.
მისი თქმით, პენსიების მომატების მხრივ პირველი ნაბიჯები უკვე გადაიდგა. თითოეულ ოჯახს ელექტროენერგიის ვაუჩერი გადაეცა, ორი დღის წინ კი დაიწყო 30-ლარიანი სასურსათო ვაუჩერების დარიგება.
იმედაშვილის თქმით, საარსებო მინიმუმი ეტაპობრივად გაიზრდება, რადგან მკვეთრმა ზრდამ, შესაძლოა, მთელი რიგი ინფლაციის პროცესი გამოიწვიოს.
შეგახსენებთ, დღეს საკრებულოს თავმჯდომარის მოადგილემ ჯაბა სამუშიამ საარსებო მინიმუმის რაოდენობა გააპროტესტა. იგი საარსებო მინიმუმის რაოდენობას არარეალურს უწოდებს და ხელისუფლებას მისი გაზრდისკენ მოუწოდებს.
