"საქართველოს სახელმწიფო ელექტროსისტემა" 22 კმ. სიგრძის 110 კილოვოლტიან ხაზს ააშენებს. როგორც საზოგადოებისთვისაა ცნობილი, შენდება ბაქო-თბილისი-ყარსის შემაერთებელი სარკინიგზო მონაკვეთი.
აღნიშნული პროექტის ფარგლებში საქართველოს ტერიტორიაზე უნდა გახორციელდეს ერთ-ერთი პროექტი: მარაბდა-კარწახის სარკინიგზო ხაზის მშენებლობა. ამ პროექტის განხორციელებისთვის აუცილებლობას წარმოადგენს ენერგომომარაგების უზრუნველყოფა, რის გამოც "საქართველოს სახელმწიფო ელექტროსისტემა" "ენერგო-პრო ჯორჯიასთან" ერთად აშენებს 22 კმ. სიგრძის 110 კილოვოლტიან ხაზს, რომელიც მოემსახურება რკინიგზის ენერგომომარაგებას.
ამ ეტაპზე მიმდინარეობს ხაზის მშენებლობის პროექტის დამუშავება. სსე-ის ინფორმაციით, "თრიალეთის" ხაზის მშენებლობა წელს დასრულდება.
