"საქართველოს სახელმწიფო ელექტროსისტემა" ახალი 500-კილოვოლტიანი ელექტროგადამცემ ხაზის მშენებლობას იწყებს.
კომპანიის ინფორმაციით, წელს აზერბაიჯანთან დამაკავშირებელი ახალი 500-კილოვოლტიანი ელექტროგადამცემი ხაზის მშენებლობაიწყება. ამასთან დაკავშირებით აზერბაიჯანის მხარესთან მიმდინარეობს ინტენსიური მოლაპარაკებები. ამავდროულად, მიმდინარეობს პროექტის ტექნიკური დამუშავება, რასაც მთლიანად "საქართველოს სახელმწიფო ელექტროსისტემა" საკუთარი ძალებით ახორციელებს. ხაზის მთლიანი სიგრძე დაახლოებით 20 კმ.-ია. სსე ააშენებს 9,7 კმ-ის სიგრძის 500 კილოვოლტიან ხაზს და მოაწყობს გარდაბნის ქვესადგურში 500 კილოვოლტიან უჯრედს.
"ამ ხაზის მშენებლობას განვიხილავთ, როგორც შავი ზღვის გადამცემი პროექტის ნაწილს. ხაზის მშენებლობას დიდი მნიშვნელობა აქვს არამარტო ქვეყნისთვის, არამედ მთელი კავკასიის რეგიონისთვის. პროექტის დაფინანსება სსე-ის ხარჯებით განხორციელდება, რაც დაახლოებით 5 მლნ. ლარს შეადგენს. სავარაუდოდ, 2011 წლის დასასრულს, ან 2012 წლის დასაწყისში, ჩვენ უკვე გვექნება აზერბაიჯანთან დამაკავშირებელი ახალი 500 კილოვოლტიანი ელექტროგადამცემი ხაზი. ახალი ხაზი კიდევ ერთი წინგადაგმული ნაბიჯი იქნება ჩვენი ქვეყნის ენერგოუსაფრთხოების გასამყარებლად, გაიზრდება ექპორტ-იმპორტი, მოგვეცემა ტრანზიტის პოტენციური შესაძლებლობა, მნიშვნელოვნად გაუმჯობესდება ენერგოსისტემის მდგრადობა",- განაცხადა სსე-ის რეაბილიტაციის მმართველმა სულხან ზუმბურიძემ. ხაზის აშენების შემდეგ საქართველოს ენერგოსიოსტემა დაუკავშირდება აზერბაიჯანის ენერგოსისტემას 2 მაღალი ძაბვის ელექტროგადამცემი ხაზის საშუალებით - 500 კილოვოლტიანი და 330 კილოვოლტიანი არსებული ხაზით.