2011 წლის იანვარში საქართველოს საგარეო სავაჭრო ბრუნვამ (არაორგანიზებული ვაჭრობის გარეშე) 584 მლნ. აშშ დოლარი შეადგინა, რაც წინა წლის ანალოგიურ მაჩვენებელზე 52 პროცენტით მეტია; აქედან ექსპორტი 148 მლნ. აშშ დოლარი იყო (39 პროცენტით მეტი), ხოლო იმპორტი - 436 მლნ. აშშ დოლარი (57 პროცენტით მეტი). საქართველოს უარყოფითმა სავაჭრო ბალანსმა 2011 წლის იანვარში 288 მლნ. აშშ დოლარი შეადგინა (68 პროცენტით მეტი).
"საქსტატის" ინფორმაციით, 2011 წლის იანვარში საქართველოს საგარეო სავაჭრო ბრუნვამ ევროკავში¬რის ქვეყნებთან 155 მლნ. აშშ დოლარი შეადგინა, რაც წინა წლის შესაბამის მაჩვენებელზე 62 პროცენტით მეტია; აქედან ექსპორტი 31 მლნ. აშშ დოლარი იყო (31 პროცენტით მეტი), ხოლო იმპორტი - 123 მლნ. აშშ დოლარი (72 პროცენტით მეტი). საქართველოს საგარეო სავაჭრო ბრუნვაში ამ ქვეყნების წილმა 26 პროცენტი შეადგინა, მათ შორის ექსპორტში 21 პროცენტი და იმპორტში 28 პროცენტი. (2010 წლის იანვარში - შესაბამისად 25, 22 და 26 პროცენტი). ევროკავშირის ქვეყნებზე მოდიოდა სავაჭრო დეფიციტის 32 პროცენტი (2010 წლის იანვარში - 28 პროცენტი).
დსთ-ის ქვეყნებთან საგარეო სავაჭრო ბრუნვამ 2011 წლის იანვარში 187 მლნ. აშშ დოლარი შეადგინა (2010 წლის იანვართან შედარებით 57 პროცენტით მეტი), აქედან ექსპორტი 53 მლნ. აშშ დოლარი დაფიქსირდა (45 პროცენტით მეტი), ხოლო იმპორტი - 134 მლნ. აშშ დოლარი (62 პროცენტით მეტი). საქართველოს საგარეო სავაჭრო ბრუნვაში ამ ქვეყნების წილი 32 პროცენტი იყო, მათ შორის ექსპორტში 36 პროცენტი და იმპორტში 31 პროცენტი. (2010 წლის იანვარში - შესაბამისად 31, 34 და 30 პროცენტი). დსთ-ის ქვეყნებზე მოდიოდა სავაჭრო დეფიციტის 28 პროცენტი (2010 წლის იანვარში - 27 პროცენტი).
2011 წლის იანვარში ათი უმსხვილესი სავაჭრო პარტნიორის წილმა საქართველოს მთლიან საგარეო სავაჭრო ბრუნვაში 65 პროცენტი შეადგინა. უმსხვილეს სავაჭრო პარტნიორებს შორის
იყო თურქეთი (96 მლნ. აშშ დოლარი), უკრაინა (60 მლნ. აშშ დოლარი) და აზერბაიჯანი (51 მლნ. აშშ დოლარი).
