ნატო-ს სამხედრო კომიტეტის თავმჯდომარის, ადმირალ ჯუზეპე კავო დრაგონეს განცხადებით, ალიანსი მზად არის საჭიროების შემთხვევაში, ევროპის აღმოსავლეთ ფლანგზე რუსეთის შესაძლო ესკალაციას უპასუხოს.
"ალიანსი მზადაა, სტრუქტურა მზადაა, ჯარისკაცები… იარაღი მზად არის", - განაცხადა დრაგონემ კოპენჰაგენში ალიანსის უმაღლესი რანგის გენერლების რეგულარულ შეხვედრაზე და დასძინა, რომ ნატო აგრძელებს მუშაობას თავისი ძალების "გაზრდაზე", "როგორც რაოდენობრივად, ასევე ტექნიკური სრულყოფის კუთხით".
დრაგონეს თქმით, მოკავშირეები "მზად არიან ესკალაციისთვის. თავდასხმის შემთხვევაში, ჩვენ ვიცით როგორ ვიმოქმედოთ".
მისივე განცხადებით, რუსეთის ბოლდროინდელი ქმედებები მიზნად ისახავს, გამოსცადოს მოკავშირეთა სიმტკიცე, შელახოს ნდობა და "შეასუსტოს ჩვენი ერთიანობა".
ადმირან დრაგონეს ამ განცხადებას წინ უსწრებდა ევროპელი ლიდერების განცხადებების რუსეთის მიერ შესაძლო ესკალაციის თაობაზე.
პოლონეთის პრემიერ-მინისტრმა, დონალდ ტუსკმა განაცხადა, რომ მოსკოვმა შესაძლოა, მომდევნო რამდენიმე თვეში ნატო-ს რომელიმე წევრ ქვეყანაში დრონები ან რაკეტები გაუშვას და ამ გზით ალიანსის რეაქცია გამოსცადოს.
ლიტვის საგარეო საქმეთა მინისტრმა კესტუტის ბუდრისმა დაადასტურა, რომ ლიტვა ფლობს სადაზვერვო ინფორმაციას რუსეთის მხრიდან უკრაინის მოკავშირეების წინააღმდეგ ჰიბრიდული თავდასხმების მომზადების შესახებ.
