აშშ უკრაინასთან Patriot-ის სისტემებისთვის განკუთვნილი რაკეტების წარმოების ლიცენზიის გადაცემაზე მოლაპარაკებებს აწარმოებს. ამის შესახებ კონგრესის წარმომადგენელთა პალატის წევრმა მაიკ ტერნერმა CBS-ის გადაცემაში Face the Nation განაცხადა.

„ვფიქრობ, ეს უკიდურესად მნიშვნელოვანია და პრეზიდენტსა და პენტაგონს მოვუწოდებ, რაც შეიძლება სწრაფად იმოქმედონ“,  აღნიშნა მან.

ტერნერის თქმით, შესაბამისი ლიცენზიების გადაცემა უკრაინას საშუალებას მისცემს, დამოუკიდებლად ააწყოს ჩამჭრელი რაკეტაების წარმოება და აითვისოს შესაბამისი თავდაცვითი ტექნოლოგიები. თუმცა, მისივე შეფასებით, ყველა საკითხის გადაწყვეტა „ძალიან რთულია“.

ტერნერმა განმარტა, რომ მოლაპარაკებები მიზნად ისახავს უკრაინისთვის აშშ-ის თავდაცვით ტექნოლოგიებზე, მათ შორის Patriot-ის საჰაერო თავდაცვის სისტემისა და მისთვის განკუთვნილი რაკეტების წარმოების ტექნოლოგიებზე, წვდომის გაფართოებას.

მისი თქმით, ეს მნიშვნელოვანი იქნება როგორც უკრაინისთვის, ისე მისი მოკავშირეებისთვის.

მანამდე აშშ-ის პრეზიდენტმა დონალდ ტრამპმა განაცხადა, რომ ვაშინგტონი თანამედროვე ამერიკული შეიარაღების წარმოების ლიცენზიის გადაცემის საკითხს ძალიან ფრთხილად უნდა მიუდგეს.

მისი თქმით, აშშ-სა და უკრაინას Patriot-ისთვის განკუთვნილი რაკეტაების წარმოების ლიცენზიაზე შეთანხმება ჯერ არ მიუღწევიათ.