უკრაინული მედიის ინფორმაციით, ოკუპირებულ ყირიმში, ფეოდოსიაში, დარტყმის შემდეგ ელექტროქვესადგურში ხანძარი გაჩნდა - ქალაქის დიდ ნაწილს ელექტროენერგია არ მიეწოდება
Telegram-არხების ცნობით, ოკუპირებულ ყირიმში, ფეოდოსიაში, ქერჩის გზატკეცილზე მდებარე ელექტროქვესადგურში დარტყმის შედეგად ხანძარი გაჩნდა. ქალაქის დიდ ნაწილში ელექტროენერგია გათიშულია.
მათივე ცნობით, საუბარია მსხვილ ენერგოობიექტზე - ფეოდოსიის მაღალი ძაბვის მაგისტრალურ ელექტროქსელებზე.
ამ ობიექტზე დარტყმა 1 ივლისსაც განხორციელდა.
ამასთან, Telegram-არხები ფეოდოსიაში ნავთობბაზის რაიონში კვამლის გავრცელების შესახებაც იუწყებიან.
შეგახსენებთ:, ივლისის დასაწყისიდან უკრაინის შეიარაღებული ძალების უპილოტო სისტემების ძალებმა ყირიმსა და დროებით ოკუპირებულ ტერიტორიებზე 154 ენერგეტიკული ობიექტი, მათ შორის ბოლო სამი დღის განმავლობაში - 18 ენერგოკვანძი დააზიანეს.
