26 ივლისის საღამოს, ბერლინის ცენტრში, ყოველწლიური ლგბტ პრაიდის - Christopher Street Day-ის მიმდინარეობისას, მიკროავტობუსი ხალხში შევარდა. ამის შესახებ Deutsche Welle იუწყება.
გავრცელებული ინფორმაციით, შემთხვევის შედეგად სულ მცირე ერთი ადამიანი დაიღუპა, ხოლო კიდევ 16 დაშავდა, მათგან რამდენიმე მძიმედ.
პოლიციის ცნობით, მიკროავტობუსი პრაიდის მსვლელობის მონაწილეებს დაეჯახა. ამ დროისთვის მძღოლი ნაპოვნი არ არის და მისი ძებნა გრძელდება.
ჯერჯერობით ოფიციალურად არ დადასტურებულა, იყო თუ არა ეს განზრახ თავდასხმა და მართლაც პრაიდის მონაწილეები იყვნენ თუ არა მისი სამიზნე. შემთხვევის ადგილზე სამართალდამცველებs დაზიანებული, მიტოვებული თეთრი მიკროავტობუსი დახვდათ.
პოლიციამ მომხდარ თავდასხმასთან დაკავშირებით ეჭვმიტანილის ვინაობა დაადგინა - ის „ისლამისტურ წრეებთან“ არის დაკავშირებული
ბერლინის პოლიციის წარმომადგენლის განცხადებით, სამართალდამცველები ინტენსიურ ძებნას აწარმოებენ.
ინციდენტი დაგმო გერმანიის კანცლერმა ფრიდრიხ მერცმაც, რომელმაც მომხდარს „საშინელი დანაშაული“ უწოდა.
მისი განცხადებით, შინაგან საქმეთა მინისტრ ალექსანდერ დობრინდტთან ერთად უზრუნველყოფს ამ მძიმე დანაშაულის სრულყოფილ გამოძიებას და ყველა დამნაშავის პასუხისგებაში მიცემას.
