ევროკავშირმა დაასანქცირა რუსეთის მთავრობის კონტროლის ქვეშ მყოფი რუსული კომპანია “ინტერ რაო” , რომელიც “თელასის” და “ხრამჰესი 1/2”-ის არაპირდაპირი მფლობელია.
ევროკავშირმა “ინტერ რაო” სანქცირებულ სუბიექტთა სიაში რუსეთის წინააღმდეგ 23 ივლისს დამტკიცებული სანქციების 21-ე პაკეტის ფარგლებში შეიყვანა.
ევროკავშირის საბჭოს თანახმად, რუსეთის მთავრობის კონტროლქვეშ არსებული Интер РАО ქვეყნის ერთ-ერთი უმსხვილესი ენერგოკომპანიაა და მნიშვნელოვან როლს ასრულებს რუსეთის ეკონომიკაში.
“ინტერ რაო” რუსეთის ერთ-ერთი უდიდესი ენერგეტიკული კომპანიაა, რომლის შემოსავალმაც 2023 წელს 1,36 ტრილიონ რუბლს მიაღწია, კომპანიას დაახლოებით 19 მილიონი მომხმარებელი ჰყავს. მას რუსეთის ფედერაციის მთავრობა აკონტროლებს. “ინტერ რაოს” აქციონერთა შორის არიან სახელმწიფოს მფლობელობაში მყოფი კომპანიები “როსსეტი” და “როსნეფტეგაზი”, რუსეთის ფედერაციის ბიუჯეტის ერთ-ერთი უდიდესი დივიდენდების გადამხდელები.
ევროკავშირის საბჭოს თანახმად, რუსეთის მთავრობის კონტროლქვეშ არსებული “ინტერ რაო” ქვეყნის ერთ-ერთი უმსხვილესი ენერგოკომპანიაა და მნიშვნელოვან როლს ასრულებს რუსეთის ეკონომიკაში.
“ინტერ რაო” ფინანსურად მხარს უჭერს რუსეთის ფედერაციის მთავრობას, რომლებიც პასუხისმგებელია ყირიმის ანექსიასა და უკრაინის დესტაბილზიაციაზე,” - ნათქვამია ევროკავშირის მიერ კომპანიის დასანქცირების მიზეზებში.
"თელასი", "თელმიკო" და "ხრამჰესები" ევროკავშირს სანქცირებულ სუბიექტთა სიაში ცალკე არ შეუყვანია. თუმცა, აქტივების გაყინვის შესახებ ევროკავშირის წესები, ჩვეულებისამებრ, ვრცელდება იმ კომპანიებზეც, რომლებსაც სანქცირებული სუბიექტი პირდაპირ ან ირიბად აკონტროლებს ან მათი წილის უმრავლესობას ფლობს.
