იტალიის თავდაცვის მინისტრმა, გვიდო კროზეტომ განაცხადა, რომ უკრაინის თავდაცვის ყოფილი მინისტრის, მიხაილო ფედოროვის თანამდებობიდან გათავისუფლების შემდეგ, მას საკუთარი მრჩევლის პოზიცია შესთავაზა.
ამის შესახებ Reuters წერს, კროზეტოს თქმით, ფედოროვს გათავისუფლების მეორე დღესვე დაურეკა.
„მეორე დღეს დავურეკე და ვკითხე: „როდის გინდა რომში ჩამოხვიდე და ჩემთან მრჩევლად იმუშაო?“ - განაცხადა იტალიის თავდაცვის მინისტრმა.
კითხვაზე, როგორ შეხვდა ფედოროვი ამ შეთავაზებას, კროზეტომ აღნიშნა, რომ ეს „პატივისცემისა და მეგობრობის გამოხატულებად“ აღიქვა.
იტალიის თავდაცვის მინისტრმა აღნიშნა, რომ ფედოროვი „იმ ადამიანებს შორისაა, რომლებმაც ბრძოლის ველზე თამაშის წესები სრულად შეცვალეს“.
მისივე თქმით, ფედოროვმა უკრაინას თავდაპირველად რუსეთის სრულმასშტაბიანი შეჭრის შეკავებაში, მოგვიანებით კი ინიციატივის დაბრუნებაში დაეხმარა, ახალი ტექნოლოგიების გამოყენებით საბრძოლო მოქმედებების ტაქტიკის გარდაქმნის გზით.
ამასთამ უკრაინული მედიის ცნობით, უკრაინის პრეზიდენტი ვოლოდიმირ ზელენსკი მიხაილო ფედოროვს ხელისუფლებაში მუშაობის რამდენიმე ალტერნატიულ ვარიანტს სთავაზობდა, მათ შორის — ტექნოლოგიური განვითარების საკითხებში ვიცე-პრემიერის თანამდებობას.
თუმცა თავად ფედოროვმა განაცხადა, რომ თავდაცვის მინისტრის გარდა სხვა არცერთ თანამდებობაზე დათანხმდებოდა.
