ესპანეთის მთავრობამ ფართომასშტაბიანი ტყის ხანძრების გამო, რომელიც მადრიდის რეგიონის დასავლეთ ნაწილში გავრცელდა და მეზობელ ავილას პროვინციასაც ემუქრება, ეროვნული მასშტაბის საგანგებო მდგომარეობა გამოაცხადა,
ამის შესახებ El País წერს.
გადაწყვეტილება მას შემდეგ მიიღეს, რაც მადრიდის დასავლეთ ნაწილში ერთდროულად სამი ხანძარი გაჩნდა - ორი ვილია-დელ-პრადოს რაიონში, ხოლო ერთი სან-მარტინ-დე-ვალდეიგლესიასში.
რთული ამინდის პირობების, მაღალი ტემპერატურისა და ძლიერი ქარის გამო რეგიონულმა სამსახურებმა ვითარების დამოუკიდებლად კონტროლი ვერ შეძლეს.
ხელისუფლების ინფორმაციით, მადრიდის რეგიონში ხანძრების გამო 10 ათასზე მეტი ადამიანის ევაკუირება გახდა საჭირო. ხანძრის შედეგების ლიკვიდაციაში ჩაერთო 270-ზე მეტი სპეციალისტი, დაახლოებით 40 ერთეული სახმელეთო ტექნიკა და სამხედრო საგანგებო სიტუაციების დანაყოფები.
ესპანეთში აღნიშნავენ, რომ ასეთი დონის საგანგებო მდგომარეობის გამოცხადება გამონაკლისი ზომაა. ბოლოს ეროვნული მასშტაბის რეაგირების მესამე დონე 2025 წელს ამოქმედდა, როდესაც ქვეყანაში მასშტაბური ელექტროენერგიის გათიშვა მოხდა.
ამჟამად ესპანეთის ტერიტორიაზე რამდენიმე ტყის ხანძარი კვლავ გრძელდება. მათ შორის ყველაზე მასშტაბურმა, მადრიდის ჩრდილოეთით, 30 ჰექტარზე მეტი ტერიტორია გაანადგურა.
