სახელმწიფო საკონსტიტუციო კომისია პარლამენტში საკონსტიტუციო ცვლილების ინიციატივით უკვე შევიდა და კანონპროექტის განხილვის პროცედურა დაუყოვნებლივ დაიწყება. ამის შესახებ განცხადება დღეს სესიაზე იურიდიულ საკითხთა კომიტეტის თავმჯდომარემ პავლე კუბლაშვილმა გააკეთა.
მისი განმარტებით, კომისიის მიერ ინიცირებული ცვლილებები შეეხება ადგილობრივი თვითმმართველობის არჩევნების თარიღს, ვინაიდან ხდება ამ თარიღის გადმოწევა და ასევე თბილისის მერის პირდაპირი წესით არჩევის პრინციპის.
ორივე საკითხი საკონსტიტუციო ცვლილებას საჭიროებს. სათანადო ცვლილების შესატანად პრეზიდენტმა რამდენიმე დღის წინ ოფიციალურად მიმართა სახელმწიფო საკონსტიტუციო კომისიას.
კომისიის მიერ საკითხი უკვე ინიცირებულია და ამასთან დაკავშირებით დღეს, 14 საათზე, ბიუროს სხდომა გაიმართება, რათა პარლამენტმა დროულად შეძლოს საკონსტიტუციო ცვლილების საზოგადოებრივი განხილვისთვის საორგანიზაციო ჯგუფის შექმნა.
