საფრანგეთის პარლამენტმა დაამტკიცა კანონი, რომელიც 2027 წლის იანვრიდან 15 წლამდე ასაკის პირებს სოციალური ქსელების გამოყენებას უკრძალავს. ამით საფრანგეთი პირველი ევროპული ქვეყანა გახდება, რომელიც ახალგაზრდებს ამ პლატფორმებზე წვდომას უზღუდავს. ინფორმაციას BBC ავრცელებს.
კანონის მიხედვით, საფრანგეთში სოციალური ქსელების გამოყენებისთვის ყველა მომხმარებელს ასაკის დადასტურება მოუწევს. გადაწყვეტილება მიიღეს იმ ფონზე, როდესაც გაერთიანებული სამეფო და ევროკავშირი ბავშვების ფსიქიკურ ჯანმრთელობაზე ზრუნვის მიზნით მსგავს შეზღუდვებს ამუშავებენ.
საფრანგეთის პრეზიდენტმა ემანუელ მაკრონმა ინიციატივას მხარი დაუჭირა. მანამდე ის პირობას დებდა, რომ ეს ზომა მისი ათწლიანი მმართველობის პერიოდის დასასრულს იქნებოდა მიღებული.
მიუხედავად იმისა, რომ სკეპტიკოსები ეჭვქვეშ აყენებენ კანონის პრაქტიკულად განხორციელების შესაძლებლობას, საფრანგეთის მთავრობა აცხადებს, რომ ასაკის გადამოწმებისთვის საჭირო ონლაინ ინსტრუმენტები ეფექტური და უსაფრთხოა.
სოციალური ქსელების აკრძალვის შესახებ კანონი სამშაბათს, 21 ივლისს დაამტკიცეს როგორც საფრანგეთის სენატმა, ისე ეროვნულმა ასამბლეამ, მიუხედავად მემარცხენე ძალების ნაწილის კრიტიკისა.
