აშშ-ის სენატმა „უკრაინის მხარდაჭერის აქტის“ კანონპროექტი მეორე მოსმენის შემდეგ საკანონმდებლო კალენდარში შეიტანა.
ამის შესახებ ინფორმაციას აშშ-ის კონგრესის პრესსამსახური ავრცელებს.
საუბარია კანონპროექტზე H.R.2913, რომლის ბოლო საკანონმდებლო პროცედურა 20 ივლისს განხორციელდა. დოკუმენტმა მეორე მოსმენა გაიარა და სენატის საერთო კალენდარში 462-ე ნომრით შევიდა.
ეს ნიშნავს, რომ კანონპროექტი უკვე შეიძლება სენატის პლენარულ სხდომაზე განსახილველად გავიდეს.
„უკრაინის მხარდაჭერის აქტი“ (H.R.2913) წარმომადგენელთა პალატის წევრმა გრეგორი მიქსმა 2025 წლის 14 აპრილს წარადგინა.
კანონპროექტი წარმომადგენელთა პალატის რამდენიმე კომიტეტის განხილვის საგანია, მათ შორის საგარეო ურთიერთობების, ტრანსპორტისა და ინფრასტრუქტურის, დაზვერვის, საგადასახადო, რეგლამენტის, იურიდიულ, ფინანსური მომსახურების, შეიარაღებული ძალებისა და საბიუჯეტო კომიტეტების.
რუსეთის წინააღმდეგ სანქციების გამკაცრების შესახებ კანონპროექტს უკვე 60-ზე მეტი თანაავტორი ჰყავს, რაც მისი მიღებისთვის საკმარისია.
კანონპროექტი რესპუბლიკელმა სენატორმა ლინდსი გრემმა შეიმუშავა.
მანამდე მედიაში გავრცელდა ინფორმაცია, რომ აშშ-ის პრეზიდენტი დონალდ ტრამპი მზად არის მხარი დაუჭიროს რუსეთის წინააღმდეგ სანქციების შესახებ ორპარტიულ კანონპროექტს, რომლის ინიციატორიც სწორედ სენატორი ლინდსი გრემი იყო.
