უკრაინის პრეზიდენტმა ვოლოდიმირ ზელენსკიმ, ექვსდღიანი საპროტესტო აქციების შემდეგ, შეიარაღებული ძალების მთავარსარდლის თანამდებობიდან ოლექსანდრ სირსკი გაათავისუფლა და მის ნაცვლად მიხაილო დრაპატი დანიშნა.
ამის შესახებ ზელენსკიმ 21 ვიდეომიმართვისას განაცხადა.
„გადავწყვიტე, რომ უკრაინის შეიარაღებული ძალების ახალი მთავარსარდალი მიხაილო დრაპატი გახდეს. მიხაილოსთან, ევჰენი ხმარასთან და პავლო პალისასთან ერთად განვსაზღვრეთ, როგორ უნდა განახლდეს შეიარაღებული ძალების გენერალური შტაბის სტრუქტურა.
ფაქტია, რომ ოლექსანდრ სირსკიმ უზრუნველყო უკრაინის წარმატება კიევის დაცვაში, ხარკოვის კონტრშეტევით ოპერაციასა და კურსკის ოპერაციაში. გავლილია მნიშვნელოვანი გზა, უკრაინის დაცვა გრძელდება და თითოეული მებრძოლი ღირსეულ დამოკიდებულებას იმსახურებს. მადლობელი ვარ ოლექსანდრ სირსკისა და თითოეული ჩვენი მებრძოლის, რომლებმაც უკრაინის ფრონტის პოზიციები გააძლიერეს.
მადლობელი ვარ მიხაილო დრაპატის სწორედ ასეთი ხედვისთვის. დღეს ოლექსანდრ სირსკისა და ანდრი ჰნატოვთან ერთად ვისაუბრეთ შემდგომი სამსახურის ფორმატებსა და უფლებამოსილების სწორად გადაბარებაზე,“ - განაცხადა ზელენსკიმ.
