კუბაში ელექტროენერგიის მიწოდება სრულიად შეწყდა. ქვეყანაში 6 ივლისს ელექტროენერგეტიკული სისტემა მთლიანად გამოვიდა მწყობრიდან. ხელისუფლების ინფორმაციით, ელექტრომომარაგების აღდგენის სამუშაოები უკვე დაწყებულია, ხოლო ავარიის გამომწვევ მიზეზებს იკვლევენ.
გაუმართაობა მოხდა იმ ფონზე, როდესაც დონალდ ტრამპის ადმინისტრაციამ ჰავანის რეჟიმზე ეკონომიკური და პოლიტიკური ზეწოლა გააძლიერა. ტრამპი დაემუქრა ტარიფების დაწესებით ნებისმიერ ქვეყანას, რომელიც კუნძულს ნავთობს მიჰყიდდა ან მიაწვდიდა. ვაშინგტონის ამ ნაბიჯმა კიდევ უფრო გააღრმავა ქვეყანაში არსებული ეკონომიკური და ფინანსური კრიზისი, რამაც ადგილობრივი ელექტროქსელის რღვევა გამოიწვია.კუბას საკუთარი რესურსებით საწვავზე მოთხოვნის მხოლოდ დაახლოებით 40%-ის დაკმაყოფილება შეუძლია. 2026 წლის იანვრიდან აშშ-მა კუნძულზე ნავთობის მიწოდების უფლება მხოლოდ ერთ რუსულ ტანკერს მისცა, რომელმაც მარტის ბოლოს 730 ათასი ბარელი ნავთობი ჩაიტანა. ეს მარაგი მაისისთვის სრულად ამოიწურა.
სააგენტო Bloomberg-ის ცნობით, ამერიკულმა ბლოკადამ მნიშვნელოვნად გაამწვავა კუბაში ელექტროენერგიის მიწოდების ქრონიკული პრობლემები. ქვეყანაში, სადაც დაახლოებით 10 მილიონი ადამიანი ცხოვრობს, ხელისუფლებამ მაისში განაცხადა, რომ საწვავის მარაგი მთლიანად ამოიწურა.
