"ახლა სასურსათო ვაუჩერები, რომ რიგდება ვიღაცეებმა თქვეს, რომ კუპონიზაცია ხდება არადა ეს არის ზუსტად კუპონის საწინააღმდეგო რამ", - ეს განცხადება საქართველოს პრეზიდენტმა წისქვილკომბინატ "თბილისში" სოფლის მეურნეობის მინისტრთან ბაკურ კვეზერელთან ერთად სტუმრობისას გააკეთა.
მიხეილ სააკაშვილმა ასევე განაცხადა, რომ ვაუჩერების დარიგება მარტის ბოლომდე უნდა დასრულდეს.
"ჩვენ შეგვიძლია ეს სასურსათო ვაუჩერი ავიღოთ და ნებისმიერ ბანკში ავიღოთ ფული, ქართული ვალუტა, რომელიც სხვათაშორის გამყარდა ახლა და ძალიან მყარი კურსი აქვს. ამიტომ განსხვავებით იმისაგან, რაც იყო 90-იან წლებში - ეს არის მყარი ვალუტა. ადამიანს ფულის ნაცვლად აძლევ ამ ვაუჩერს, რომელიც შეიძლება სხვას გადასცე. რეალურად ჩვენ ვაძლევთ ფულს ცოტათი მაინც რომ მოხდეს ანაზღაურება ამ შოკის რომელიც გაძვირებამ მოიტანა", _ განაცხადა მიხეილ სააკაშვილმა.