მინიმუმ 27 წუთის განმავლობაში ვიყავი მათი თავდასხმის ობიექტი. დავასახელე კონკრეტული ადამიანი, რომელიც არათუ მონაწილეობდა ჩემს თავდასხმაში, ვგულისხმობ ე.წ. ხარებას, ხარაზიშვილს, არამედ, ის ჩემზე ვიდეოგადაღებას აწარმოებდა, - ამის შესახებ მოხელისათვის ქრთამის დაპირებისა და სახელმწიფო ხელისუფლების დამხობისაკენ მოწოდების ფაქტზე დაკავებულმა „ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა.
როგორც ხაბეიშვილმა განაცხადა, აქციებზე უამრავ ადამიანს სცემეს, კადრშიც კარგად ჩანს და მხოლოდ ორი მათგანის დაკავება არაფერს ნიშნავს.
"მინდა გამოვეხმაურო გუშინ ძალოვანების დაკავებას. აქ სულელები არავინ არ ვართ. ჯერ ერთი ლევან ხაბეიშვილი არ უცემიათ და უწამებიათ მარტო. ასობით ადამიანზეა საუბარი, მათ შორის ახალგაზრდაზე. ძალიან მერიდებოდა თავის დროზე ჩემ თავზე საუბარი, როცა ეს თავდასხმა მოხდა, ეს არის ფაქტი უტყუარი, მხოლოდ ფოტოსურათი ადასტურებს, რომ არ ჩაიხედო სამედიცინო დასკვნაში.
ერთი რამე უნდა ესმოდეს საზოგადოებას. კადრებში ჩანს ათეულობით ადამიანი, დააკავეს 2 და დახურულად როგორ გამოაცხადეს საქმე. მე 27 წუთი ვიყავი თავდასხმის ობიექტი. პირდაპირ ეთერში იყო ჩემი გატაცება და არსებობს საათი, რომელზე გამიტაცეს. მე მეორე დღესვე დავასახელე კონკრეტული ადამიანები, რომლებიც არათუ მონაწილეობდა თავდასხმაში, ვგულისხმობ ე.წ. ხარებას, არამედ ახორციელებდა ჩემზე ვიდეო გადაღებას. უნდოდა მეთქვა, რომ ვარ „ჩმორი“ და მაშინ აღარ დამარტყამდნენ. მოვყევი პარალმენტის სხდომათა დარბაზში, რას მთხოვდა ეს ხალხი და რის სანაცვლოდ შეწყვეტდა ჩემზე თავდასხმას. ვიღაცის ჩვენება ჩვენებაა და ჩემი არა?,
აჩვენონ ის ვიდეო საზოგადოებას, ვის უგზავნიდნენ? მე მაქვს ინფორმაცია, რომ კობახიძეს, უგზავნიდნენ, პრემიერ-მინისტრი იყო მაშინ, მამუკა მდინარაძეს - ფრაქციის თავმჯდომარე იყო. რა თქმა უნდა, გომელაურს, შს მინისტრი იყო. სანამ ესენი გამოიძიებდნენ, 9 სავარაუდო დამნაშავის შესახებ ინფორმაცია გვქონდა, მათ შორის, კეზევაძეზე, „ხარებას“ მოადგილე რომ იყო. სულელები არ ვართ, ამის მთავარი ორგანიზატორი იყო ივანიშვილი, მთავარი შემსრულებელი იყო კობახიძე. გახარიას რომ მისდევენ თვალი ამითხარე და ცუდად დაარბიე აქციაო, ახლა კობახიძე მის ადგილასაა, მაგას ჰგონია პასუხისმგებლობას აცდება? ვერაფერსაც აცდება“, - განაცხადა ხაბეიშვილმა.
