პარტია "ფედერალისტების" ლიდერი გიგა ბოკერია, გამოეხმაურა ყოფილი პრემიერ-მინისტრის, ირაკლი ღარიბაშვილის ცოლის ძმის, ალექსანდრე თამაზაშვილის განცხადებას, რომ „ევროპარლამენტარების მიერ მიღებულ მორიგ ანტიქართულ ანგარიშში ირაკლის შეყვანა და მოხსენიება არის ფარისევლური , ყალბი და მიზანმიმართულად პროვოკაციული ნაბიჯი, რაც აშკარად რადიკალურ-ექსტრემისტული ოპოზიციის ლობიზმის შედეგია“.
„უბრალოდ, ადამიანურად საცოდაობაა, როდესაც ასეთ მდგომარეობაშია. აქედან შეიძლება ვიმსჯელოთ, ივანიშვილი, როგორ ექცევა საკუთარ გარემოცვას. ხალხი იმ მდგომარეობაშია, რომ აპროტესტებს, მისი დევნის შესახებ ჩანაწერი რომ მოხდა. ტრაგიკული ამბავია. ოღონდ ჩემთვის, ყველა ჩვეულებრივი მოქალაქისთვის, ეს ტრაგიკომიკური ამბავია, რომლის დაჭერაც პოლიტიკური პროპაგანდისთვის გამოიყენეს, რომ ვითომ კორუფციას ებრძვიან, სინამდვილეში კი ინსტიტუციური კორუფციის შედეგია ღარიბაშვილის ამბავი. ერთ ღარიბაშვილზე ხომ არ არის ლაპარაკი, წლების განმავლობაში მთელი წყება გვაქვს იმისა, რომ კონსტიტუციურად უმაღლესი თანამდებობის პირების: პრემიერ-მინისტრების, სუს-ის უფროსის, ყოფილი გენპროკურორის, მინისტრების, რომლებიც ყველანი გამდიდრდნენ ოფიციალური ვერსიით თანამდებობაზე ყოფნისას, ამის იქეთ ხომ პოლიტიკური პროპაგანდისთვის გამოიყენეს. ახლა, მის ოჯახის წევრების უწევთ, ხსნა დაინახონ იმაში, რომ ისევ მამა-მარჩენალს უნდა გაუგორონ. ტრაგიკული ამბავია. ეს აჩვენებს, რამდენად დიდ შარში ვართ, სანამ ამ კაცს, სადაც მის გარემოში ასეთი კლიმატია, აქვს ძალაუფლება“, - განაცხადა გიგა ბოკერიამ ჟურნალისტების კითხვის საპასუხოდ.
