რუსეთის მიერ ზაპოროჟიეზე განხორციელებული დარტყმის შედეგად ორი ადამიანი დაიღუპა, ასევე არიან დაშავებულები.
ამის შესახებ ზაპოროჟიის ოლქის სამხედრო ადმინისტრაციის ხელმძღვანელმა, ივან ფედოროვმა განაცხადა.
დაახლოებით 16:00 საათზე ფედოროვმა ქალაქზე მტრის თავდასხმის შესახებ განაცხადა.
„მტერმა ზაპოროჟიეში რამდენიმე საწარმოს მართვადი საავიაციო ბომბით დაარტყა. იწვის ავტომობილები, მაღაზია და საწარმო - ასეთია მტრის შეტევის შედეგები ზაპოროჟიეზე“, - დაწერა მან.
მოგვიანებით მან განაცხადა, რომ თავდასხმის შედეგად 2 ადამიანი დაიღუპა.
